Një person u arrestua sot në mëngjes në Tropojë pasi lëvizte me armë.
A.Qeleposhi, 29 vjeç banues në Babinë, Tropojë, u arrestua në një lokal në qytetin e Bajram Currit, në kuadër të operacioni “Babina”. Gjatë kontrollit të ushtruar, në çantën e dorës atij i gjetën një armë zjarri tip pistoletë, një karikator me 6 fishekë dhe 10180 euro.
Më pas policia ka kryer kontrolle edhe në shtëpinë e tij në Babinë ku i gjetën edhe një tjetër armë zjarri kallashnikov me 28 fishekë, ndërsa në afërsi të banesës u gjet një sasi prej 2.9 kg lëndë e dyshuar cannabis sativa.
‘’Si rezultat i operacionit u arrestua në flagrancë shtetasi A. Q., 29 vjeç, banues në Babinë, Tropojë. Në një lokal në qytetin e Barjam Currit, gjatë kontrollit të ushtruar, në çantën e dorës së shtetasit A. Q. shërbimet e Policisë gjetën një armë zjarri tip pistoletë, një karikator me 6 fishekë dhe 10180 euro.
Gjithashtu, gjatë kontrollit të ushtruar në banesën e tij, në fshatin Babinë, Policia gjeti dhe sekuestroi edhe një tjetër armë zjarri kallashnikov me 28 fishekë, ndërsa në afërsi të banesës u gjet një sasi prej 2.9 kg lëndë e dyshuar cannabis sativa”, njofton policia./DRONI.al/
