40-vjeçari, Rrapush Çeça nga Elbasani është zhdukur .
Mësohet se denoncimi i zhdukjes së të riut, banues në lagjen “Hekurudha”, është bërë nga vëllai i tij.
Çeça ka humbur kontaktet me familjarët prej mëngjesit të sotëm. Vëllai i 40-vjeçarit thotë që ai ka dalë nga banesa me automjetin me targa AA 531 VS, dhe u ka thënë familjarëve që po shkonte të kryente disa ekzaminime.
Pas verifikimit nga familjarët rezulton që Çeça nuk ka qenë në qendrën spitalore, pasi nga regjistrat e observimit ditën e sotme, nuk ekziston i regjistruar.
Prej orësh, familjarët kanë kërkuar 40-vjeçarin e zhdukur por nuk kanë gjetur asnjë gjurmë të tij.
/DRONI.al/
