Kryeministri Edi Rama është pyetur nëse do të pranojë kërkesën e kryedemokratit Lulzim Basha për një debat publik. Rama nuk pranoi të flasë për këtë çeshtje duke e lënë të hapur për një moment të dytë për të mos u larguar nga rëndësia e mbledhjes së dy qeverive.
Megjithatë kreu i qeverisë shqiptare tha se nuk ishte në këtë mbledhje për të folur për çështjet e brendshme të vendit.
“Unë i qëndroj besnik asaj që kam thënë që në krye të herës. Në praninë e miqve unë nuk flas për punët e brendshme të shtëpisë. Ka kohë për të diskutuar ato. Sikundër jam i bindur psh, që kur vjen një vëlla nga jashtë, në shtëpi të vëllait tjetër, nusja e vëllait nuk i tregon se çfarë halli ka me vëllain e vjehrrës. Kështu që ka kohë për të diskutuar për këto”, tha Rama.
Një ditë më parë Basha u shpreh se nga sot e deri në datë 25 prill, Rama është i ftuar në debat.
https://www.facebook.com/edirama.al/videos/700709997196463
//DRONI.al/
