Ambasada e Shqipërisë në Greqi ka publikuar sot në faqen e saj zyrtare një informacion me rëndësi për të gjithë emigrantët shqiptarë që jetojnë në shtetin helen.
Bëhet fjalë për procedurat mbi tërheqjen e dokumenteve biometrikë.
NJOFTIM PËR TËRHEQJEN E DOKUMENTEVE BIOMETRIKE:
Ambasada e Republikës së Shqipërisë në Athinë ju njofton se, kanë mbërritur Pasaportat dhe Kartat e Identitetit, për aplikimet e kryera deri më 7 gusht 2020.
Nëse dëshironi që të merrni nëpërmjet postës vetëm pasaportën, lutemi na dërgoni në adresën e emailit: consulate.athens@mfa.gov.al
1. EMËR MBIEMËR
2. ADRESËN E SAKTË TË BANIMIT
3. KODIN POSTAR
4. NUMRIN E CELULARIT
5. FOTO TË KUPONIT TË APLIKIMIT
Lidhur me tërheqjen e kartës së identitetit ju informojmë se është e detyrueshme paraqitja fizike në Ambasadë.
/DRONI.al/











