Artistët dhe pronarët e lokaleve të natës këtë të martë janë rikthyer sërish në protestë për të kundërshtuar vendimit të djeshëm të qeverisë për ndalimin e muzikës dhe mbylljen e lokaleve të natës.
Ata po protestojnë përballë kryeministrisë dhe në vendngjarje ndodhen edhe forcat e policisë. Disa prej tyre janë edhe shoqëruar me dhune nga uniformat blu për tubim të paligjshëm.
https://www.facebook.com/GazetaShekulli/videos/722802395176497
Ndërkohë policia ka proceduar penalisht 12 persona që morën pjesë në protestën e së hënës kundër aktit normativ për ndalimin e muzikës pas orës 20:00 dhe mbylljen e lokaleve të natës dhe diskove.
Ky vendim, sipas pronarëve të bareve dhe lokaleve, dëmton rëndë ekonominë e personave që punojnë në këto biznese, që nga stafet e punonjësve e deri tek këngëtarët e muzikantët, duke qenë se këto aktivitete i kanë si burim kryesor të ardhurash.
