Ish-Kryeministri Sali Berisha ka paralajmëruar sot kryebashkiakun e Vlorës, Dritan Lelin, se atë e pret i njëjti fat si i parardhësit të tij, Shpëtim Gjika, shfrytëzuar në maksimum dhe flakur më pas nga Kryeministri Edi Rama.
Por Berisha i ka “treguar” këtij të fundit “rrugëzgjidhjen” në situatën e vështirë në të cilën ka hyrë.
“Në rastin e vjedhjeve, historia përsëritet besnikërisht. Kjo, sepse vjedhja është vjedhje dhe nuk ndryshon! Kështu, viktima e parë e Edvinit për korrupsion ishte Gjika i Vlorës, i cili ishte keqperdorur nga Rama në opozitë për vite me rradhë dhe sapo erdhi në pushtet e flaku si limon të shtrydhur, vetëm e vetëm që të mbushte xhepat me projektin e Lungomares, të cilin e shndërroi në Lungozezë!
Tani radhën e ka Leli, prandaj dy këshilla praktike për Lelin: Këshillohu me Gjikën. Zgjidh avokat një pengmarrës të Edvinit, që ti i njeh më mirë se unë! Kaq për sot, Lel! Të tjerat në vazhdim!”, nënvizon Berisha.
Leli pati nje debat me kryeministrin Edi Rama, detajet e te cilave i beri me dije vete ai.
/DRONI.al
