Ambasadorja amerikane ka bërë një apel të fortë ndaj forcave politike në vend në lidhje me miratimin e Reformës Zgjedhore.
Përmes një postimi në rrjetin social Twitter, Yuri Kim kërkon nga palët që të lëvizin nga qëndrimet e tyre për të gjetur një marrëveshje, nisur edhe nga fakti se 31 maji ishte premtuar si afati limit për përfundimin e reformës.
“Askush s’do të marrë gjithçka që do – ky është definimi i negociatave”, shkruan Yuri Kim në Twitter.
Reforma zgjedhore duket se ka mbetur ende në udhëkryq, me palët që fajësojnë njëra-tjetërn për mospërmbylljen e procesit brenda afatit që ato vetë kishin vendosur.
/DRONI.al/
