Hartës së të prekurve me koronavirus i është bashkuar edhe bashkia e Poliçanit. Bëhet fjalë për shtetasin A.L 79 vjeç, i cili ka rezultuar pozitiv duke e futur kështu dhe bashkinë e Poliçanit në hartën e kuqe.
79 vjeçari është infektuar nga djali i tij 30 vjeçar, i cili kohët e fundit ishte kthyer nga Greqia dhe gjate periudhës së karantinimit nuk ka shfaqur shenjat e kontaminimit.
Ndërsa prej dy ditësh ai kishte kolle të thatë, temperature edhe dhimbje te muskujve. Nga kjo situatë, 30 punonjësit e qendrës shëndetësore të Poliçanit janë futur në karantinë pasi 79 vjecari shkonte thuajse çdo dite në qendrën shëndetësore.
Ndërsa kryebashkiaku i Poliçanit duke i uruar shërim të shpejtë të infektuarit, u shpreh se policia nuk duhet ta largonte postbllokun e vendosur në hyrje të qytetit, nga i cili do behej filtrimi i qytetareve qe vinin nga Italia, Greqia, Tirana dhe qytete te tjera.
/DRONI.al/
