Konfirmimi i 6 rasteve me koronavirus në vendin tonë ka shtuar edhe masat për parandalimin e virusit. Në institucionet publike në Vlorë e Fier ka nisur dezinfektimi.
Kështu në Vlorë, pas dezinfektimit të spitalit rajonal, këtë mëngjes ka nisur dezinfektimi i policisë së qarkut, ndërkohë nga bashkia e Vlorës konfirmohet se ka përfunduar ky proces në 80% të shkollave të qytetit. Janë 4-5 shkolla që kanë përfunduar dezinfektimin.
Nga spitali rajonal i Vlorës mësohet se veç dhomës së karantinës në çdo pavion është ngritur tashmë një dhomë shtesë për të mbajtur pacientët të cilët dyshohen ose shfaqin simptomat e koronavirusit përpara se këta të fundit të nisen përn ë Tiranë.
Në total janë tre dhoma të veçanta për karantimin e personave të dyshuar me koronavirus, përveç karantinë së posaçme.
Drejtuesit shprehen se personeli është i pajisur me bazën mjekësore të nevojshme si dhe masat mbrojtëse. Spitali i Vlorë ka në gjendje 20 mijë maska kirurgjikale mbrojtëse për koronavirusin.
Në Fier sot ka nisur dezinfektimi i shkollave dhe kopshteve. Fillimisht dezinfektimi ka nisur në 4 shkolla dhe 7 kopshte të qytetit të Fierit dhe më pas do të shtrihet në njësite asministrative.
Janë tre grupe të dizinefektuesve që po zbatojnë programin e dezinfektimit.
Në orën 8 të mbrëmjes do të nisë edhe dezifektimi i mjediseve publike si godina , lulishte, e parqe.
Burime nga spitali rajonal i Fierit bëjnë me dije se gjatë natës nuk është paraqitur asnjë person me shenja të Covid 19.
Është kufizuar edhe hyrja e dalja e familjarëve të pacientëve që janë të shtruar në spital. Nuk ka mungesa te barnave dhe medikamenteve. Ka maska dhe oksigjen të mjaftueshëm. Rastet e dyshuara dërgohen në Tiranë.
Edhe Bashkia Elbasan ka nisur dezinfektimin e të gjithë shkollave, kopshteve dhe çerdheve.Po ashtu, për të evituar grumbullimet e njerëzve në ambiente të mbyllura është ndryshuar procedura e trajtimit të qendra ditore.
/DRONI.al/
