Ish-kryeministri Sali Berisha ka reaguar së fundmi lidhur me shpërblimin e fundvitit që qeveria parashikon t’iu japë pensionistëve.
Berisha e ka quajtur cinike dhe pashpirtësi vlerën që qeveria ka përcaktuar duke shtuar se prej 6 vitesh pensionet janë rritur vetëm me 4% kurse po të shtohet inflacioni i 6 viteve çdo pensionist merr sot 12% më pak se sa merrte 6 vite më parë.
“Në një akt cinik ekstrem narkoqeveria jo vetëm nuk rriti pensionet, nuk kompensoi as rritjen e çmimieve pra inflacionin por përgjysmoi edhe dhuratën e fundvitit për ta ndërkohë për vete vrapojnë në ishujt e magjishëm për të bërë vitin e ri. Pashpirtësi!” – përfundon Berisha.
Një vit më parë shpërblimi për këto kategori ishte në masën e 5 mijë lekëve të rinj, por ecuria e dobët e mbledhjes së të ardhurave në buxhetin e shtetit ka përcaktuar një nivel më të ulët të dhënies së këtij bonusi këtë fundvit.
//DRONI.al/
