Prokuroria për Krime të Rënda kërkoi sot 15 vite burg për Armando Koçerrin, ndërkohë që vendimi i gjykatës do të jepet me datë 7 nëntor.
Armando Koçerri po hetohet si pjesë e bandës së Habiljave pasi u kap me 4 ton kanabis në banesë në Babicë të Vlorës.
Koçerri akuzohet vetëm se ka bashkëpunuar duke dhënë në dispozicion magazinën e shtëpisë për të mbajtur lëndën narkotike.
Armando Koçerri ishte i vetmi anëtar i Habilajve që ndodhet në Shqipëri, ndërsa pjesa tjetër e grupit po gjykohet në Itali, po për trafik narkotikësh e grup kriminal.
Armando Koçerri së bashku me Nezar Seitin u arrestuan ne Babicë të Vlorës, pas sekuestrimit të një sasie prej 4.5 tonë kanabis, që dyshohet se i përkiste grupit të Habilajve.
