Eshte zbardhur takimi i kryeministrit Edi Rama me homologun grek Kyriakos Mitsotakis. Sipas zyrës së shtypit të kryeministrisë takimi ka qenë me frymë pozitive, ndërsa thotë se u diskutuan të gjitha çështjet e përbashkëta.
Kryeministri i Shqipërisë, Edi Rama ka theksuar se pavarësisht vendimit të Këshillit të BE-së, Shqipëria do të vazhdojë zbatimin e reformave me të njëjtën vendosmëri.
“Në të njëjtën kohë është në interesin e Shqipërisë po aq sa është në interesin e Greqisë fqinje- theksoi Rama- të diskutohen të gjitha çështjet me interes të përbashkët dhe të forcohet bashkëpunimi mes të dyja palëve”.
Nga ana e tij kryeministri helen Kyriakos Mitsotakis theksoi se Greqia mbështet perspektivën europiane të vendeve të Ballkanit Perëndimor, për sa kohë këto vende përmbushën të gjitha kërkesat për anëtarësim.
Më tej, ai mirëpriti angazhimin e palës shqiptare për të vazhduar punën me çështjet e pronave dhe të vetëdeklarimit/censusit, të cilat janë shqetësime për minoritetin grek në Shqipëri.
Veç kësaj, Kryeministri grek theksoi se marrëveshja bilaterale për njohjen e ndërsjellë të patentave do të kalojë së shpejti për miratim në parlamentin grek.
Kryeministri i Shqipërisë ftoi Kryeministrin e Greqisë për të vizituar Shqipërinë në të ardhmen e afërt, ftesë të cilën ai e pranoi, thuhet ne njoftimin per media te Kryeministrise.
https://www.facebook.com/138734771522/posts/10157114302401523?sfns=cl
