Rezoluta e grupeve parlamentare gjermane dhe qeverisë së Gjermanisë përmend në një prej pikave kryesore të saj nevojën e hetimeve dhe proceseve gjyqësore të zyrtarëve të lartë të përfshirë në blerjen e votave.
“Fillimi i ndjekjes penale dhe eventualisht i proceseve gjyqësore kundër atyre që lidhen me blerjen e votave në zgjedhje, dhe ndjekjen serioze dhe të shpejtë të procedimeve…”
Gjermania po ashtu kërkon hapa konkretë në fushën eluftës kudnër korrupsionti dhe krimit të organizuar.
“Progres solid në krjimin e bilanci suksesi në luftën kundër korrupsionit dhe krimit të organizuar në të gjitha nivelet, përfshirë inicimin dhe proçedimet e para të përfunduara kundër nënpunësve civilë dhe politikanëve të nivelit të lartë. Këto përfshijnë hetime proaktive, eventualisht ndjekje penale dhe dënime në lidhje me korrupsionin dhe krimin e organizuar”, është njëri prej kushteve të theksuara në rezolutë.
Ndërkohë rezoluta parashikon edhe ndërprerjen e negociatave.
Në një prej pikave të saj thuhet se “…të sigurojë, që kuadri i negociatave të ndërtohet në mënyrë të tillë që të sigurohet një vazhdim konsekuent i kursit të reformës dhe mbi të gjitha zbatimi i reformave të miratuara nga Shqipëria. Nëse pas hapjes së negociatave të pranimit, Shqipëria vonon, pezullon ose tërheq përmbushjen e detyrimeve, atëherë negociatat e pranimit duhet të ndalojnë dhe në rast dyshimi, të ndërpriten. Hapja dhe mbyllja e kapitujve individualë të negociatave duhet të varen nga kritere të qarta”.
Ndërkaq në vëmëndjen e rezolutës është edhe kriza politike në Shqipëri. Gjermania ka kërkuar që kjo krizë të zgjidhet sa më shpejt, ndërkohë që kërkon që zgjedhjet e reja locale nëse vendosen nga Gjykata të mbahen sipas ligjit të ri zgjedhor.
“Shqipëria është në një krizë politike te brendshme te rende. Bundestagu gjerman u bën thirrje me ngulm të gjitha forcave demokratike në Shqipëri që të ndërmarrin menjëherë të gjitha hapat për të kapërcyer këtë krizë sa më shpejt përmes dialogut politik, përndryshe rruga për negociatat e anëtarësimit do të vështirësohet në mënyrë të konsiderueshme”, thekson rezoluta.
