Milani dhe skuadra e njohur e Feronikeli ditën e sotme do të përballen midis tyre në stadiumin “Fadil Vokrri” në Prishtinë. Sipas informacioneve zyrtare, ndeshja fillon në orën 20:45.
Në faqen e tij zyrtare, klubi milanez ka publikuar një fotografi nga biblioteka kombëtare “Pjetër Bogdani” që ndodhet në qendër të Prishtinës.
Kjo përballje po pritet me shumë entuziazëm, pasi tifozët e skuadrës së Milanit janë të shumtë në Kosovë.
Milani – fuqia e dytë më e madhe në histori të futbollit në Evropë me shtatë tituj të Ligës së Kampionëve – nuk e ka skuadrën po aq të vlefshme sa e kishte para disa viteve, por prapëseprapë dallimet me skuadrën e Feronikelit janë të mëdha.
