Ish-ministri Ylli Manjani në një koment të fundit, është treguar i ashpër më kryeministrin Edi Rama, për të cilën shprehet se tashmë nuk di më se çfarë flet.
Manjani shkruan se Edi Rama ka dëmtuar pluralizmin dhe demokracinë, duke i dhënë shkatërrimin e fundit ditën e sotme, pas ngjarjeve në Devoll, ku një zyrë po mbahët me forcë nga policia e shtetit.
‘’Deklarimi i tij për veten se “unë e solla pluralizmin dhe demokracinë”, provohet sot!Prova më e qartë është puna e përditshme prej përbindëshi, për të shkatërruar e shuar çdo qelizë demokracie në vend.
Betejat e Tij (jo pa sukses) me fjalën e lirë, median, mendimin kritik janë provë e shkuar provës.
Përpjekjet e tij për të shkërmoqur opozitën politike, zgjedhjet e lira dhe shtetin ligjor janë kryeprova e “dashnisë” për demokracinë.
Demokracia, pluralizmi dhe shteti janë fiktion në kokën e tij. Prandaj dhe i bëhen lëmsh datat e ngjarjet.
I duket sikur i ka sjellë vetë dhe prandaj i jep vetes “të drejtë” ti shkatërrojë.Në mendjet normale as kjo nuk funksion kështu. Shkatërrimi i produktit tënd është patologji e rëndë.
Por për fat, as demokracinë e as pluralizmin politik nuk na i solli Edi Rama. Edhe atë pak shtet që u përpoqëm ta krijojmë, Ky e shkatërroi me zell të sëmurë.
Ky s’di më as çfarë flet!Jerm komplet”,-shkruan Manjani.
