Gjykata ka dhënë ditën e sotme masën e sigurisë arrest shtëpie për një nga të arrestuarit nga operacioni “Vol-vo 4”.
Gjykata argumenton se është në pamundësi shëndetesore për të qendruar në ambientet e paraburgimit. Bëhet fjalë për Jasin Abdul polici i Sarandës,, i cili tashmë është liruar nga masa e arrestit me burg.
Jasin Abdyl njihej ndryshe me pseudonimin “Cine”, nga Shijaku u arrestua në muajin Shtator të vitit të kaluar.
Kujtojmë që “Cine” i Shijakut u arrestua bashkë me 26 shtetas të tjerë për veprat penale ”Prodhimi dhe shitja e narkotikëve”, ”Trafikim i narkotikëve”, në bashkëpunim në formën e posaçme të grupit të strukturuar kriminal dhe organizatë kriminale, si dhe pastrim i produkteve të veprës penale.
Dosja Volvo 4 përfshin 44 persona, të akuzuar për trafik droge të drejtuar nga grupi i Shijakut, korrupsionin e zyrtarëve që solli arrestimin e ish-drejtorit të Burgjeve Arben Çuko, por edhe abuzimet me pronat që prangosën ish-deputetin tjetër socialist Arben Ndoka.
