Kryetari i PD, Lulzim Basha, ka reaguar për tërmetet e njëpasnjëshme këtë mëngjes në Korcë.
Përmes një postimi në Twitter kreu i opozitës theksoi se qeveria duhet të shpallë gjendjen e jashtëzakonshme për ndihmë ndaj familjeve të goditura nga tërmeti në Korcë.
Nga tërmeti në Juglindje u demtuan shume banesa dhe mbetën të plagosur dy persona.
POSTIMI I BASHES:
Qindra banesa janë dëmtuar nga tërmeti që goditi në orët e para të mëngjesit rajonin e Korçës. Shumë banorë kanë mbetur në qiell të hapur dhe qindra të tjerë janë në panik se çfarë do të ndodhë me banesat e tyre. Gjithçka kishin ndërtuar me sakrificë të madhe është shkatërruar.
Duhet shpallur menjëherë gjendja e jashtëzakonshme në zonën e goditur dhe duhen dedikuar urgjent fonde për shtëpitë e dëmtuara. Familjeve të mbetura në mes të katër rrugëve dhe në gjendje tronditje dhe pamundësie totale shteti duhet t’ju ofrojë menjëherë ndihmë financiare dhe ushqim e strehë. Nuk duhet humbur asnjë çast për shkak të paaftësisë apo lojrave politike, por duhet vepruar menjëherë dhe me veprime konkrete për të ndihmuar banorët e goditur.
Familjeve të mbetura në mes të katër rrugëve dhe në gjendje tronditje dhe pamundësie totale, shteti duhet t’u ofrojë menjëherë ndihmë financiare dhe ushqim e strehë.
