Një aksident tragjik hekurudhor i ka marrë jetën një të riu shqiptar.
Trupi i të riut u gjet mëngjesin e së premtes që kaloi, në binarët e trenit në Oberglatt të Zyrihut. Viktima është identifikuar më pas si 17-vjeçari shqiptar, R.B, banues në Rümlangu Zyrih.
Nga burimet e afërta me familjen Bunjaku, ende nuk dihen rrethanat e sakta të aksidentit. Dihet vetëm se djaloshi është goditur nga treni dhe është gjetur i vdekur në mëngjesin e premtes, shprehet burimi për albinfo.ch.
Familja Bunjaku bën të ditur se ceremonia e të riut do të zhvillohet të premten, më 3 maj në orën 13.00 në varrezën “Friedhof Chilisbaum”, Ifangstrasse 100 në Rümlang.
