Edhe ditën e sotme, studentët e Universitetit Bujqësor kanë dalë në protestë, për të kundërshtuar planin e ndërtimit të një shkollë në fidanishten që ishte supozuar për ta.
Sipas tyre, ata nuk do të lejojnë kthimin e një pjese të fidanishtes ku ata bëjnë praktikën, në shkollë të re.
Një pjesë e tokës ku është ngritur fidanishtja e UBT-së ka qenë pronë private, të cilën e ka blerë Bashkia e Tiranës.
Dekani i UBT-së, sqaroi se kjo tokë i ka kaluar tashmë Bashkisë së Tiranës, e cila pritet të ndërtojë një shkollë të re. Por kjo, bie ndesh me projektet që vetë Universiteti kishte për të modernizuar e zgjeruar fidanishten, projekt që sipas tij i ishte premtuar nga vetë kryeministri Rama.
Më tej studentët janë shprehur se kjo protestë mund të jetë dhe fillimi i një tjetër proteste masive nga gjithë studentët.
