Një ngjarje makabre është shënuar në një xhami në Zelandën e Re ku nga një sulm me armë mbetën të vdekur 49 persona. Një australian 28-vjeçar, i identifikuar si Brenton Tarrant është autori kryesor i masakrës.
Ngjarja ndodhi në xhaminë Al Noor dhe xhaminë Masjid në periferi të Linwood.
Sulmi i planifikuar, është filmuar dhe transmetuar gjatë gjithë kohës live në rrjetin social facebook ku janë dhënë si moment i sulmit dhe momenti i tmerrit që kanë përjetuar besimtarët, fakt ky i cili i rrit edhe më tepër përmasat e ngjarjes.
Xhirimet e ngjarjes fillojnë që në momentin kur agresori, Brenton Tarrant hipën në makinën e tij veshur me veshjen e tij ushtarake duke u shprehur “le të fillojë festa”. Ai vazhdon dhe filmon gjithë udhëtimin e tij për në xhami, ku shihet duke dëgjuar këngë ushtarake dhe muzikë folklorike serbe.
Pas parkimit të makinës së tij në cepin e xhamisë, Tarrant merr armët e tij gjysmëautomatike, dhe fillon të gjuaj mbi besimtarët jashtë dhe në brendësi të xhamisë. Nga pamjet e tmerrit shihen besimtarët të cilët bien në tokë, ndërsa numri i viktimave vijon të rritet dhe ende nuk dihet nëse ka ndonjë që mund t’i ketë shpëtuar sulmit.
