Kryeministri Edi Rama e kishte me të shpejtë daljen e tij në Parlament ditën e djeshme, nga ku tha se i duhej të ikte në Itali për të dhënë shpjegime se çfarë po ndodhte me Shqipërinë.
Kryeministri doli në një intervistë për emisionin e njohur Italian “Porta a Porta”, ku mes një paneli të ftuarish, atij i duhej të përgjigjej për pyetjet e tyre.
Lidhur me këtë dalje të tij, ka reaguar ish-deputeti Bardh Spahia, i cili ka publikuar dhe disa foto.
Ndërsa publikon me foto reagimet e shumta, përfshirë edhe dy zv.ministrat e kabinetit qeveritar si Petro Koçi dhe Artan Shkreli , ish-deputeti thekson se sërish Rama u kryqëzua nga ‘lumi’ i komenteve kritike, kur nuk mungon censura.
“NUK I SHPETON DOT TE VERTETES!
Siguron nje dalje per te mashtruar edhe ne gjuhen italiane e qytetaret e kryqezojne! Reagim i jashtezakonshem kur mungon censura. Administrata e paguar me taksat e shqiptareve per t’i thurur lavde kryeministrit, perfshi 2 zevendesministra, nuk ia del dot para te VERTETES qe qytetaret ia plasin hapur kryeministrit qe e ktheu Shqiperine ne narkoshtet e bleu votat me kriminele! E VERTETA eshte me e forte se parate e krimit me te cilat emeron opoziten si ati i tij shpirteror diktator! Fasada ka rene e ka mbetur vec nje diktatoruc frikacak, qe do kete fundin qe historia i ka rezervuar gjithnje diktatoreve!”, shkruan Spahia.
