Këshilli i lartë i Prokurorisë i ka kthyer përgjigje Partisë Demokratike dhe dhe Lëvizjes Socialiste për Integrim për kërkesen ndaj Arta Markut. Kujtojmë se kryetarët e dy grupeve parlamentare, Petrit Vasili nga LSI dhe Edmond Spaho nga PD, rreth një muaj më parë kanë kërkuar që kryeprokurorja Arta Marku të shkarkohet nga posti.
Por si i është përgjigjur Gent Ibrahimi PD-së dhe LSI-së?
Ibrahimi është shprehur se e drejta për nisjen procedimit disiplinor ndaj Markut i takon Inspektoratit të Lartë të Drejtësisë. Sipas tyre “Arta Marku është e ngarkuar me detyrë nga ligji që të verifikojë integritetin e figurës për të gjithë ata që kandidojnë për Këshillin e Lartë të Prokurorisë, por në rastin e Bujar Sheshit nuk e ka përmbushur këtë detyrim ligjor”.
Ndërkohë në mbledhjen e pak ditëve më parë të KLP, është shqyrtuar kërkesa e opozitës, por është thënë se kjo nuk është në kompetencat e KPL të përgjigjet për shkresën për shkarkim.
