Pas shkrimit të botuar në portalin gjerman “Freie Welt”, i cili po bën jehonë edhe në vendin tonë dhe ku flitet për fundin politik të kryeministrit Edi Rama, i cili mund të jetë i ngjashëm me atë të Maduros në Venezuelë, ka ardhur edhe reagimi i ish-kryeministrit Sali Berisha.
“Miq, Edvinin për median gjermane Die Freie Welt e pret fundi i Maduros. Kjo sepse sot qytetarët po protestojnë për votën e lirë në Venezuele kundër Maduros e në Tiranë kundër Edvinit, pra dy armiqve të votës së lirë”, shkruan Berisha në reagimin e tij.
Media e mirenjohur gjermane Die FREIE WELT shkruan:
-Rama po shkon drejt fundit si Maduro
Miq, Edvinin per median gjermane Die Freie Welt e pret fundi i Maduros. Kjo sepse sot qytetaret po protestojne per voten e lire ne Venezuele kunder Maduros e ne Tirane kunder Edvinit, pra dy armiqve te votes se lire.
Lexoni me poshte shkrimin e Freie Welt. sb
“Në Amerikën e Jugut, regjimi socialist i Nicolas Maduros është drejt fundit. Maduro po mbahet në pushtet vetëm me dhunë. Edhe në Evropë, një regjim socialist po shkon drejt fundit. Në Shqipëri duket se janë orët e fundit në detyrë për kryeministrin Edi Rama. Gjithmonë e më shumë njerëz po dalin në rrugë në kryeqytetin e vendit duke kërkuar dorëheqjen e tij. Një aleancë e gjerë e forcave opozitare nga të gjitha kampet politike është mobilizuar kundër Ramës. Fundjavën e kaluar, demonstruesit sulmuan edhe selinë e Ramës. Vetëm duke përdorur masivisht gaz lotsjellës dhe granata të përziera, forcat e sigurisë e morën sërish situatën nën kontroll.
Edhe në nivelin politik, opsionet e Ramës po mbarojnë. Shumë deputetë të opozitës kanë dhënë dorëheqjen nga parlamenti shqiptar. Kështu ka dalë jashtë funksionit edhe parlamenti. Megjithatë, ky hap kritikohet nga përfaqësuesit e BE.
Shqipëria është një vend kandidat për pranimin në BE dhe negociatat duhet të fillojnë këtë vit, ndërsa nga ana e BE është bërë thirrje për dialog konstruktiv.
Opozita në Shqipëri ka një tjetër pikëpamje: Rama duhet të japë dorëheqjen. Qeveria e tij është e korruptuar dhe ka lidhje me krimin e organizuar një qeveri ekspertësh duhet të formohet menjëherë, për ta stabilizuar vendin dhe për të organizuar zgjedhje të reja. Protestat nuk do ndalen deri në dorëheqjen e Ramës”.
