Reshjet e dëborës kanë pushtuar një pjesë të madhe të vendit.
Edhe pse në njoftimin e saj ARRSH ka njoftuar zhbllokimin e akseve dhe mirëmbajtjen e tyre duke nxjerrë herë pas here informacione, disa zona në veri ndodhen në një situatë të vështirë.
Dëbora ka bllokuar familjet në Dibër dhe Bulqizë. Sipas nën/prefektit të Bulqizës, rreth 115 familje në Tërnovën e Madhe dhe në Tërnovën e vogël janë bllokuar.
Problematika shfaqet në zonat e thella kjo për shkak të pranisë së akullit dhe ngricës në rrugë, nga ku lëvizja e furgonave është e vështirë.
Në disa njësi administrative trashësia e dëborës ka arritur 40 cm. Rruga nacionale Kukës-Peshkopi kalohet me vështirësi, ndërsa rruga nacionale Peshkopi-Tiraneë kalohet pa probleme.
