Pas prezantimit të platformës së Partisë Demokratike, Lulzim Basha ka vijuar takime me të rinjtë në qytetin e Beratit.
Teksa të rinjtë i kanë treguar shqetësimet e tyre, Basha deklaroi se nuk ka qeveri që i bën ballë popullit kur ai çohet dhe e kundërshton.
Këtu ai iu referua të rinjve prezentë në takim, ku tha se nëse ata do të ngriheshin kundër qeverisë, e keqja do të merrte përgjigje vdekjeprurëse.
”Janë mbyllur 250 shkolla, në një vend ku mjekët largohen sepse kanë pagat më të ulëta në rajon. Sikur të çohet vetëm rinia e Beratit, të jenë të sigurt se e keqja merr një përgjigje vdekjeprurëse. Askush nuk ka arsye të ketë frikë, frikë duhet të kenë ata që mbajnë peng të ardhmen tuaj.”tha Basha.
Basha u shpreh se kur pushteti kthehet në dhunues të ligjit, qytetarëve iu lind e drejta për të sprapsur atë.
”Ata që thuhet se përfaqësojnë bashkinë, ata nuk përfaqësojnë bashkinë, por interesat e tyre. Nuk ka shtet që ka mjaftueshëm qeli për të burgosur popullit, ku ai çohet largohet qeveria. Nuk ka qeveri që i bënë ballë popullit. 290 mijë shqiptarë hanë një vakt në ditë” u shpreh Basha.
https://www.facebook.com/lulzimbasha.al/videos/500539133798126/
