Ish-ministri i Brendshëm, Saimir Tahiri do të paraqitet te Krimet e Rënda në orën 12:30. Burime për Fax News zbulojnë se Tahiri do të jetë së bashku me avokatin e tij, Maks Haxhinë.
Ende nuk dihet se për çfarë çështje do të jenë provat që ish-ministri do paraqesë në Prokurori.
Të premten Saimir Tahiri paralajmëroi një konferencë për shtyp, por të cilën e anulloi.
Tahiri pretendon se dokumentat e reja që do të dorëzojë në Prokurori rrëzojnë çdo verdikt të deri tanishëm.
Ish-ministri i qeverisë Rama akuzohet për trafik ndërkombëtar të lëndëve narkotike, korrupsion dhe shpërdorim detyre.
