Pas reagimit të ashpër të Ulsi Manjës, nuk ka munguar as reagimi i deputetit tjetër të PS, Jurgis Çyrbja pas deklaratës së kreut të PD, Lulzim Basha, në të cilën thuhej se në dosjen e “Toyota Yaris” ku u sekuestruan 3,4 milionë euro janë përfshirë edhe dy deputetët e PS.
Përmes një statusi në Facebook, deputeti i PS thotë se do padisë Bashën për shpifje dhe e sfidon që të përballet me të në gjykatë me prova dhe fakte.
Reagimi i plotë
“Zgjohet e pa larë sytë mendon shpifjen e radhës. E meqë zgjohet vonë, nuk i del koha as të jetë kreativ nga shpifja në shpifje! Unë nuk kam më pse të duroj baltën e Lulzim Bashës.
Menjëherë padi për humbës që shpifjen e ka kthyer në mjet të mbijetesës politike.
E sfidoj Lulzim Bashën të përballet me mua dhe kolegët e min në gjykatë me prova e fakte, jo vetëm për këtë akuzë po për gjithçka këto muaj ka hedhur drejt personit tim!”
