Një tjetër zjarr ka përfshirë pyjet e veriut.
Pas zjarrit në Tropojë, i cili ra dje në Dragobi, duke përfshirë një sipërfaqe të madhe pyjesh mbi lagjen Sokolaj, këtë herë zjarri ka rënë në pyjet e Shkrelit.
Qytetarët dërguan në “Ti raporton” në TCh pamje nga zjarri që nisi rreth orës 16:00 dhe vazhdoi edhe gjatë natës në Shkrel.
Zjarrfikësit punuan gjatë për të fikur zjarrin që shkrumboi 1 hektar sipërfaqe.
Sipas specialistëve, zjarret e vjeshtës nëpër Shqipëri konsiderohen se nuk janë rastësore, por pasoja të pakujdesisë së banorëve ose te qëllimshme.
Të qenurit në muajin Tetor përjashton mundësinë e një zjarri të rastësishëm, por rrit dyshimet për një zjarrvënie të qëllimshme, gjë e cila nuk mohohet zyrtarisht nga burimet që kanë njoftuar për rënien e tyre.
