Kryeministri Zoran Zaev e ka quajtur referendumin e sotëm si të suksesshëm edhe pse pjesëmarrja nuk ka qenë e kënaqshme.
Kryeministri deklaroi se ai respekton vullnetin e qytetarëve dhe se çështja do t’i kalojë Kuvendit dhe nëse me deputetët e VMRO-DPMNE-së nuk arrihet në një konsensus vendin e presin zgjedhjet e parakohshme parlamentare.
Komisioni Shtetëror i Zgjedhjeve ka bërë të ditur se deri në orën 18.30 në referendumin për marrëveshjen me Greqinë për cështjen e emrit kanë votuar 34.09 për qind e trupit të përgjithshëm votues.
Rezultatet e plota mbi daljen në votime dhe rezulatin do të kumtohen pas përpunimit të plotë të të dhënave nga Komisioni Shtetëror të Zgjedhjeve.
