Një ngjarje e rëndë ka ndodhur në Lezhë.
Mësohet se është plagosur një person me armë zjarri tek Ura e Prekanit në Lezhë.
Nga informacionet paraprake, bëhet me dije vetëm që personi i plagosur është transportuar për në spital, por ende nuk dihet gjendja e tij.
Personi i cili e ka plagosur është larguar nga vendi i ngjarjes.
Policia ndodhet në vendin e ngjarjes dhe priten të zbardhen detaje të tjera lidhur me motivin e ngjarjes.
Njoftimi i plotë:
Lezhë
Informacion paraprak
Sot, rreth orës 13:30, është marrë njoftim se në vendin e quajtur ” Ura e Prekanit” në rrugën Kryqëzimi i Shënkollit – Tales, është plagosur me armë zjarri shtetasi M.D. 34 vjeç, banues në Tale, i cili është dërguar në spitalin Rajonal në Lezhë, për ndihmën e nevojshme mjekësore.
Falë veprimeve të shpejta hetimore, u bë i mundur identifikimi i autorëve të dyshuar shtetasve P.Ll. dhe Z.B., të dy banues në Tale , të cilët u shpallën në kërkim dhe po punohet për kapjen e tyre.
Grupi hetimor në vendngjarje, nën drejtimin e Prokurorisë së Rrethit Gjyqësor Lezhë, po punojnë për sqarimin e plotë të rrethanave të ngjarjes.
