Deputeti demokrat Tritan Shehu ka deklaruar sot se faktori shqiptar në Ballkan duhet të ndikojë në një rezultat pozitiv të referendumit për emrin e Maqedonisë që do të mbahet me 30 Shtator.
Në një postim në rrjetet sociale, Shehu shkruan se “Shqiperia, Kosova, i gjithe faktori shqiptar ne Rajon, duhet te behen aktivisht “krahe” per te ndihmuar ne nje rezultat pozitiv, jetik ky per Maqedonine”.
POSTIMI I SHEHUT:
Shqiperia e shqiptaret e tjere ne Rajon nuk mund te qendrojne indiferent ndaj Referendumit te 30 Shtatorit ne Maqedoni!
Aty u hap zyrtarisht fushata e Referendumit te 30 Shtatorit, per ndryshimet kushtetuese dhe te emrit te saj, ne baze te mareveshjes me Greqine.
Rezultati pozitiv i ketij Referendumi konfirmon rrugen europiane per ate vend fqinje, si dhe i mundeson antaresimin e menjehershem ne NATO.
Ne te kunderte askush nuk mund te parashikoje se ne cfare “skutash” do te vazhdoje te endet ai shtet, duke rrezikuar seriozisht jo vetem stabilitetin e te ardhmen, por edhe vete ekzistencen e tij, si dhe duke gjeneruar keshtu destabilitet ne te gjithe Rajonin.
Eshte shume pozitiv fakti qe ne terresi faktori shqiptar aty dhe partite e tij politike, ne qeverisje apo opozite keto, jo vetem jane shprehur pozitivisht, por dhe jane organizuar qe te zhvillojne nje fushate energjike e aktive ne favor te “po”-se, ne nje aleance te perbashket apo qofte dhe ne vecanti.
Pa dyshim kjo shpreh e konsolidon qartesisht pozicionin e aspiraten e madhe te shqiptareve per Europe e Perendim.
Ata te cilet duan ta “minojne” kete Referendum, jane po ata qe ne vite krijuan shume probleme artificiale me Greqine, Brukselin e NATO-n, per te ngritur pengesa te pa faleshme ne proceset integruese, dhe qe sot vazhdojne te perpiqen ta vendosin vendin e tyre diku larg ne Lindje, qofte kjo edhe per llogari te vendeve te treta.
Ne keto kushte Shqiperia, Kosova, i gjithe faktori shqiptar ne Rajon, duhet te behen aktivisht “krahe” per te ndihmuar ne nje rezultat pozitiv, jetik ky per Maqedonine.
Dhe ka shume menyra te tilla demokratike, legale, transparente, aspak ne kundershtim me sovranitetet, qe mund te definohen e aplikohen nga neve ne kordinim te plote vecanerisht me partite shqiptare aty, per fitoren e Referendumit, gje me shume rendesi per Ballkanin Perendimor, per te gjithe ne.
