Ish-ministri i drejtësisë, Ylli Manjani ka komentuar qëndrimin e komisionerit Evropian Johannes Hahn lidhur me korrigjimin e kufijve Kosovë-Serbi gjatë samitit të kryeministrve në Durrës.
Në një status në facebook, Manjani shkruan se sapo e Hahn mori emërimin në këtë pozicion, erdhi dhe loja edhe debati për kufijtë.
Statusi i plotë:
Dje:
Erdhi Fyle, Komisioner i BE dhe ne morëm ÇEZ. Iku Fyle, iku edhe ÇEZ.
Shqipërisë i humbën disa milionë Euro. Goxha milionë…
Por, hajt më për atë status, paguam diçka…
Sot:
Erdhi Hahn erdhi dhe loja kufinjve. Fal det e fal tokë se ka thënë Hahn-i!
Ndërkohë në Shqipëri “drithen” femrat kur vjen Hahn për vizitë…
Për ato të shkreta negociata, vazhdojmë të paguajmë, por në natyrë…
Konkluzion:
Një drejtor Banke në Itali më tha: “Komisioner në BE do doja të isha. As punë e as përgjegjësi. Përdorin autoritetin për të ndikuar ku munden për çështje private. Rroga super të larta…”
Ka të drejtë! Komisioni i BE është vetëm sporteli ku dorëzohen letrat.
Mbetëm duke berë qoka për “sportelistët”…
