Deputetët e LSI dhe PD nuk do të marrin pjesë në seancën parlamentare të sotme. Mungesat në seancë janë shenjë proteste për miratimin e padrejtë të ligjit për teatrin.
Parlamenti do të mblidhet ditën e sotme në seancë të jashtëzakonshme për të miratuar disa ligje që kërkojnë shumicë të cilësuar, prej 84 votash, por ende nuk dihet sesi do të veprohet për miratimin e ligjeve në fjalë, kur PS i duhen dhe votat e opozitës për ti miratuar.
Në sallë do të jenë vetëm kryetarët e grupeve parlamentare, Edmond Spaho dhe Petrit Vasili, të cilët do të mbajnë një deklaratë. Opozita nuk do të marrë pjesë në seancat e Kuvendit deri kur kreu i saj të kthejë përgjigje për letrën e Spahos e Vasilit, ku kërkohet anulimi i votimit të ditës së enjte, 5 korrik.
