Taulant Balla i është përgjigjur sulmit të Bashës dhe opozitës me sulm. Tashmë për të ulur dyshimet drejt emrit të tij ai kërkon të adresojë gjithë dyshimet e 3.5 mln eurove drejt Bashës.Kreu i grupit parlamentar socialist i akuzuar një javë më parë nga kreu i PD-së, Lulzim Basha se është i përfshirë në kalimin e 3.4 mln eurove në makinat Toyota Yaris, tha sot se personat e shpallur në kërkim kanë lidhje me vetë kreun e opozitës.Madje ai tha se e ka kallëzuar penalisht në Prokurori.
Balla ka publikuar në parlament një foto ku sipas tij është vëllai i njërit prej kushërinjve të shpallur në kërkim si pritës të eurove, i cili ka bërë vizitë në zyrën e Bashës.
“Ja ku e keni, vëllai i A.V. njërit prej kushërinjve që kishin porositur paratë në zyrë të Lulzim Bashës. Por Basha është një budalla i papërgjegjshëm që rrezikoi operacionin. Tani unë të them se ndoshta ishte Basha që priste paratë, madje mund tu ketë ngatërruar itinerarin e tyre” – është shprehur Balla.
