Prokuroria akuzon 3 efektivët e komisariatit të Korçës për mosdhënie ndihme ndaj Enea Ftojit, të riut që vdiq në qelitë komisariat. 3 efektivë të policisë sipas prokurorisë e kanë të lënë të vdiste Enea Ftoin, duke mos i dhënë ndihmën e nevojshme.
Pavarësisht se ekspertiza ligjore arriti në përfundimin se nuk ishte ushtruar dhunë ndaj Enea Ftoj në komisariatin e Korçës, familjarët e tij pretendojnë të kundërtën. Ata thonë se do të kërkojnë zhvarrosjen e trupit.
“Ka dhunë barbare. Isha vetë në morg dhe i kam parë shenjat në trup dhe fytyrë. Unë i bëra foto djalit dhe ne fytyre kishte të ënjtura dhe shenja. Lajmin qe ai ndërroi jetë e mora vesh në gjykatë jo nga policia. Jemi te bindur qe është dhunuar. Do të bëjmë zhvarrosjen e trupit dhe te behet përsëri ekspertize. Do të bëjmë vetëgjyqësi. Do e kërkoj zgjidhjen e çështjes deri në vdekje. Fëmijët e Eneas i mori nusja dhe ka ikur nga shtëpia. Nuk na ka ndihmuar askush. Gjakun e djalit nuk ma ble askush, thotë Babai i Enea Ftojit, për ora news
Ndërsa nëna e Enea Ftoj thotë se, “Është ushtruar shume dhunë ndaj djalit, në krah, këmbë, fytyrë. Unë do ta kërkoj të drejtën e tij, dua ta zhvarrosin trupin. Dua eksperte nga jashtë qe te beje ekspertizën përsëri. Nuk vuante nga asnjë sëmundje. E takova ne paraburgim. Nusja hyri nga dritarja dhe Enea na tha qe po e rrihnin. Policia te hape kamerat. Do kërkoi vetëgjyqësi si nëna e tij.
Këto janw të dhënat sipas ekspertizës mjeko-ligjore, ndërkohë Prokuroria e Korçës do të vazhdojë ende hetimet.
