I menjëhershëm ka qenë reagimi i Albana Vokshit. Ajo e konsideroi propozimin e Ballës absurd, ndërsa tha se nuk intimidohet dhe as impresionohet.
“Nuk më intimidon as më impresionon as propozimi absurd i Taulant Ballës që po konsideronin shkarkimin tim. Jo Albana, jo deputetët e opozitës në këtë komision, por të gjithë deputetët e opozitës nuk do heqin dorë nga e vërteta. Ne do vazhdojmë, do e therrasim të hënën, të martën, të mërkurën do rrimë 24 orë derisa ministrja të paraqitet. Do bëjmë transparencën, jemi të vendosur për të ndaluar këtë akt kriminal që po e përgatit partneriteti Rama-Veliaj-Fusha”
Kryetari i grupit parlamentar të PS, Taulant Balla në një prononcim për media tha se mazhoranca do të kërkojë shkarkimin e kryetares së Komisionit të Medias, Albana Vokshi. Po ashtu Balla tha se deputetët e PD ishin pajisur me vezë.
“Ne jemi duke konsideruar mbi nenet dhe parashikimet e rregullores për të kërkuar shkarkimin e zonjës Vokshi. Ne kemi dhënë konsensusin tonë në kuadër të parashikimeve të frymës së rregullores për një ndarje sipas proporcionalitetit që mbajmë në parlament, ku 5 komisione i takojnë mazhorancës dhe 3 opozirtës. Por drejtimi në këtë mënyrë i komisionit është i patolerueshëm.”
