Albert Veliu, “Ddëshmitari X” që ka përgjuar Agron Xhafajn është marrë në pyetje në Prokurorinë e Tiranës.
Veliu u ndalua nga policia mëngjesin e djeshëm kur po ikte jashtë Shqipërisë, nga frika për jetën e tij.
Pas ndalimit ai është sjellë në Tiranë dhe vënë në dispozicion të prokurorisë.
Një ditë më parë, Veliu është marrë në pyetje nga prokurori Genci Qana i cili ka marrë në dorën hetimin për audio-përgjimin e bërë publik nga Partia Demokratike.
Ashtu si edhe në dëshminë e tij publike të transmetuar dje nga selia e PD edhe përballë prokurorit, Albert Veliu është shprehur se në audio-përgjim është ai dhe Agron Xhafaj.
“Në audio-përgjim është zëri im dhe i Agron Xhafajt”, ka konfirmuar Albert Veliu për prokurorinë.
