Kryemsitri ju kërkon llogari, ndërsa zbulohen edhe porositë që Edi Rama u ka dhënë ministrave të tij. Në mbledhjen e grupit të PS dhe Kryesisë, që mbahet çdo të hënë, kreu i qeverisë, njëherësh edhe i kësaj partie i ka deleguar një sërë detyrash kabinetit të tij qeveritar. Në të dyja mbledhjet, grupin e PS dhe Kryesinë, fokusi ishte formati i procesit të llogaridhënies, ku më së shumti vëmendja do të përqendrohet në Tiranë.
Po ashtu Rama porositi ministrat që të shpërndahen nepër të gjitha qarqet, jo vetëm tek ata ku janë drejtues politikë por edhe në rrethe të tjera, ku në fokus të jetë zëri i qytetarëve dhe ankesat e tyre.
Ky projekt për llogaridhënie nisi nga Tirana, e më pas u shtri në disa qytete, ku në mbledhje janë të pranishëm këshilltarë, kryetarë bashkish, drejtues rajonale te institucioneve, deputetë dhe ministra. Ndërkohë, sot Rama do ta ndalet në stacionin e radhës të llogaridhënies në Lezhë.
