Dashi
Kjo e premte do të shkëlqejë si në dashuri edhe në sektorin profesional. Sa i takon ndjenjave, do të keni kuriozitet të madh dhe dëshirë për të dominuar mbi partnerin/en. Për pasojë edhe brenda një raporti në çift të konsoliduar, mund të lind nevoja për të provuar diçka të re. Për ata që janë vetëm, kjo e premte kërkon që të tregohen të kujdesshëm. Sa i takon punës, kjo periudhë mund të rezervojë ndonjë surprizë, kështu që bëni mirë të mos humbni shanset.
Demi
Dita do të rezultojë me angazhime të shumta. Arsyeja? Thjeshtë dhje vetëm, pasi mund të jetë një “e premte e zezë”. Në dashuri, do të ketë zhvillime të papritura, plotë me ulje-ngritja. Raporti juaj do të hasë në vështirësi, ndaj bëjini sytë katër. Ata që janë vetëm, mund të bien në krahët e gabuar. Në punë do të ketë zhvillime aspak të kënaqshme, ndaj angazhohuni maksimalisht që të përballoni çdo situatë. Kjo është pikërisht dita për të thënë: Kurajo!
Binjakët
Kjo e premte nuk do të jetë aspak e keqe, ndonëse në momente të caktuara mund të hasni në vështirësi që duhen kaluar. Nëse në raportin në çift jeni të pakënaqur, kjo situatë mund të ndryshojë vetëm prej jush dhe jo partnerit/es tuaj. Mundohuni të përqendroheni në kërkim të momenteve intime dhe romantike dhe do të shikoni që atmosfera do të ndryshojë. Ata që janë vetëm do të jenë mjaft tërheqës, por fati nuk do të jetë në krahun e tyre. Sa i takon punës kjo është një periudhë shumë produktive dhe interesante. Për shumë prej jush, ky mund të jetë momenti i duhur, për të hedhur hapin e madh.
Gaforrja
Gjatë kësaj dite do të dominojë fati i mirë, kryesisht në sferën e ndjenjave. Parashikimi i ditës parashikon një rigjallërim të dashurisë dhe takime të kënaqshme me personin e zemrës. Ata që janë vetëm, do të duhet të bëjnë një analizë të detajuar të situatës. Në punë, pjesa më e madhe e juaja, do të ketë një zell të admirueshëm.
Luani
Do të jetë një ditë e shkëlqyer, thuajse në çdo gjë. Në dashuri, nëse po përjetoni një lidhje sentimentale të lumtur, mos i vini limite fantazisë dhe mos e refuzoni imagjinatën e partnerit/es, pasi do të përjetoni moment përrallore. Ata që janë vetëm, duhet të thellohen në shuarjen e një dyshimi që po i mundon. Guximi dhe kurajoja nuk do ju mungojnë, por bëni kujdes. Në punë të ardhurat do të jenë në rritje, në sajë të angazhimit tuaj. Por ajo që kërkohet prej jush, është që ti menaxhoni kursimet në mënyrë racionale.
Virgjëresha
Kjo e premte nuk do të jetë aspak në ritme të kënaqshme. Në lidhjen në çift, kërkohet që të ruani sa më shumë veten. Nëse në të kaluarën, keni idealizuar një person, mund ta gjeni veten në një zhgënjim drastik. Ata që janë vetëm, duhet të bëjnë kujdes me personat të cilëve mund t’iu japin zemrën. Një aventurë e thjeshtë, mund të kthehet në një histori që do ju penalizojë rëndë. Në punë, dita do të jetë në gjendje të ekuilibruar.
Peshorja
Kjo e premte do të jetë një nga ato ditë që duhet të kalojnë sa më shpejtë. Në dashuri, nuk do të jeni në gjendje që të krijoni një atmosferë argëtuese. Intensiteti në çift do të jetë në rënie, bëni kujdes. Për ata që janë vetëm, dita do të jetë me luhatje të mëdha, pasi yjet nuk do të jenë aspak në anën tuaj. Sa i takon sferës profesionale, duhet të shtoni ritmin e punës, në të kundërt rrezikoni që të dështoni. Më mirë ndajini përgjegjësitë me kolegët, se sa të humbni gjithë sa keni arritur deri më tani.
Akrepi
Kjo ditë do të nisë mjaft mirë për të lidhurit e kësaj shenje. Në dashuri, raporti juaj në çift do të shkojë më së miri, tamam siç ju e dëshironi. Ata që janë vetëm, mund të nisin një lidhje interesante. Megjithatë duhet të bëni një analizë, lidhur me personin që ju intereson. Në punë do të jeni shumë konkret, ku do të bëni për vete eprorët dhe mundi juaj do të shpërblehet.
Shigjetari
Kjo e premte do të favorizojë mirëqenien tuaj. Në dashuri raporti juaj në çift do të shënojë përmirësime të vogla, por vendimtare. Ata që janë vetëm, pritet të takojnë shpirtin e tyre binjak. Veç mbani parasysh, që të mos e humbni mundësinë që do ju ofrohet. Në punë, do të arrini të gjeni zgjidhjen e duhur në momentin e duhur. Do të harroni keqkuptimet e vjetra, duke ecur përpara për të korrur sukses.
Bricjapi
Do të jetë një ditë relativisht e qetë. Në dashuri gjatë kësaj të premte, do të zbuloni shijen e të bërit të gjërave që ju pëlqejnë, sidomos me personin që doni. Për ata që janë vetëm, pritet të vijë një rast shumë i mirë, pikërisht kur nuk e presin. Në dashuri dita do të jetë mjaft pozitive, në sajë të kreativitetit dhe intuitës suaj. Do të keni dëshirë për të luftuar për të marrë atë që meritoni. Yjet do të jenë në anën tuaj dhe do ju ndihmojnë.
Ujori
Do të jetë një ditë mjaft e mirë. Në fushën sentimentale situata do të jetë shumë më harmonike dhe yjet parashikojnë që raporti në çift do të jetë plotë surpriza, përkëdhelje dhe ndjenja të forta. Relaksohuni dhe shijoni momentin! Ata që janë vetëm, do të kenë një ditë aspak të favorshme. Sa i takon punës, do të keni ambicie të shumta të cilat duhet ti çoni përpara. Angazhohuni më shumë!
Peshqit
Kjo e premte do të nisë më së miri. Sa i takon dashurisë, do të kaloni një mbrëmje të kënaqshme në shoqërinë e parnerit/es. Organizoni diçka ekskluzive për të jetuar në maksimum këtë moment. Nëse jeni vetëm, do të ndiheni të sigurt në sharmin tuaj dhe nuk do të tërhiqeni para një mundësie që do ju ofrohet. Në sferën profesionale, prej disa kohësh po fitoni shumë pikë në strategji. Mundësitë tuaja do të shpalosen gradualisht dhe premtojnë shumë!
