Mama e tre fëmijëve, Rebeka Barker tha se varësia nga seksi u bë dominante në jetën e saj në vitin 2014 dhe i shkatërroi marrëdhënien bashkëshortore.
Përveç se u detyrua të tradhëtojë bashkëshortin, varësia e saj e bënte që të kërkonte vazhdimisht marrëdhënie seksuale nga partneri i saj.
“Ishte gjëja e parë që mendoja sapo zgjohesha dhe nuk mund ta hiqja nga mendja”, thotë 37 vjeçarja nga Yorkshire verior për BBC.
“Më dukej sikur çdo gjë që më rrethonte, më kujtonte vetëm seksin. Mendoj se ishte një ndjesi e lidhur me depresionin dhe mungesën e një neurotransmetuesi. Ndjeja se i gjithë trupi im dëshironte vetëm seks”.
“U shndërrova në një heremit, qëndroja vetëm në shtëpi sepse ndjeja turp që mendoja vetëm për atë gjë, edhe pse nuk mund të më lexonin ç’kisha në mendje. Ndihesha shumë pa rehat kur kisha rreth vetes njerëz të tjerë”.
Varësia e Rebekas eventualisht shkaktuan probleme serioze në marrëdhënien e saj bashkëshortore.
Bashkëshortit të saj në fillim i pëlqeu marrëdhënia e shpeshtë seksuale, por u bë e papërballueshme për çiftin.
“Fillimisht ai ishte dakord me këtë, por më vonë nuk mund ta kuptonte një gjë të tillë. Pas disa muajsh ai nisi të ngre pyetje se pse dhe nga se vinte një gjë e tillë”.
“Ai më akuzonte se kisha një lidhje paralele dhe ndaj kërkoja seks, për të mos u ndjerë fajtore se e tradhëtoja”.
Në Nëntor të 2014-s Rebeka kishte nevojë për një “pushim” nga marrëdhënia e saj në çift, ndaj shkoi të rrijë ca kohë tek e ëma.
“Kur u largova, i thashë tim shoqi se kisha nevojë të bëhesha më mirë. Ai më la të shkoj dhe më pas marrëdhënia u shkatërrua shumë shpejt pas kësaj”.
“Në atë kohë unë isha nën kujdesin e një psikiatreje, e cila më thoshte se do të alternonte mjekimin tim, por asnjëherë nuk më tha se ka grupe mbështetëse për një gjë të tillë”.
Barker u diagnostikua me depresion në 2012n, pas lindjes së fëmijës së saj të tretë. Ajo thotë se sëmundja iu intensifikua gjatë 2014-s, por tanimë është kuruar, pas ndarjes nga partneri, ndërrimit të punës dhe lëvizjes së saj për të jetuar në Francë.
“Bëra shumë ndryshime në jetën time për të kaluar depresionin dhe varësinë ndaj seksit. Për mua kjo funksionoi”, përfundon ajo.
