Policia e Vlorës ka dhënë detajet në lidhje me plagosjen që ndodhi sot në Vlorë. Sikurse njofton policia i plagosir ka një plagë plumbi në këmbë ndërkohë që ende nuk ka gjetur identitetin e autorit të plagosjes.
Njoftim paraprak:
Më datë 16.04.2018, në lagjen “Rilindja”, është plagosur në këmbë me armë zjarri, nga një person i paidentifikuar shtetasi A.G., 51 vjeç.
Shtetasi është transportuar në Spitalin Rajonal Vlorë për të marrë ndihmën e nevojshme mjekësore, aktualisht jashtë rrezikut për jetën.
Grupi hetimor po punon për zbardhjen e sqarimin e plotë të rrethanave të ngjarjes, dhe për identifikimin e kapjen e autorit.
