Kryeministri Edi Rama ka bërë diversion sonte ndaj opozitës duke atakuar raportet e mira të kohëve të fundit mes Kreut të PD, Lulzim Basha dhe kryetares së LSI-së, Monika Kryemadhi.
“Forca tërheqëse e kryetares së LSI ndaj Lulzim Bashës në mëyrën se si po e drejton ai opozitën aktuale, është e dukshme”, ka deklaruar Kryeministri sonte në një intervistë dhënë tv Klan.
Kryeministri Rama ka komentuar edhe raportin e Freedom House duke theksuar se Ilir Metën do ta zgjidhte sërish President ndërsa për debatet mes ambasadorit amerikan Lu, Ish-prokurorit Llalla, Vlahutin dhe Berishës ka mbajtur anën e ambasadorëve.
Rama ka komentuar sërish edhe shprehjen e tij se ‘popullit nuk i ngrihet’ por kësaj here në një kontekst tjetër dhe pa kërkuar falje.
“Ky është inpterpetim malinjë i njerëzve që janë të pafuqishëm përballë mazhorancës. Shprehja nuk ka pasë të bëjë me njerëzit, popullin por me kryetarin e opozitës”, tha Rama.
Në lidhje me shprehjen e tij dje në parlament që ‘do ta shikoni’, Kryeministri Rama tha se e kishte me deputetin e Kukësit, Flamur Noka që po merrej me nënën time. Dhe do ta shikojë shumë shpejt. Vitin tjetër do ta fitojmë bashkinë e Kukësit, tha Rama.
Kryeministri dha këtë intervistë një ditë pasi opozita derdhi mbi të miell dhe vezë në parlament.
