Duket se bisedimet shqiptaro-greke janë futur në një udhëkryq të ri pasi Kryeministri grek Tsipras shtyu për nëj afat të pacaktuar vizitën e tij në Tiranë e planifikuar përgjatë ditëve të Pashkës.
Sipas asaj që shkruan e përditshmja greke Kathimerini, vizita e kreut të qeverisë greke është shtyrë dhe tashmë nuk ka asnjë datë për këtë.Shkaku mësohet të jetë vështirësia në negociatat mes Athinës dhe Tiranës për kufirin detar dhe përcaktimin e zonës së lirë ekonomike, sipas gazetës.
Negociatat nisën zyrtarisht pas dhënies së plotfuqisë së grupit negociator shqiptar nga Presidenti Ilir Meta. Është konfirmuar ndërkohë një vizitë e shkurtër të enjten e ministrit të jashtëm grek Nikos Kotzias në Tiranë përpara se ai të fluturojë drejt Vjenës.
