Komisioni i Sigurisë Kombëtare, ka diskutuar sot për pastrimin e parave në Shqipëri dhe ka qenë i pranishëm dhe Drejtori i Përgjithshëm i Parandalimit dhe Pastrimit ë Parave, Arlind Gjokutaj.
Për më shumë se dy orë në këtë komision, janë diskutuar çështjet që lidhen me parat e pista në treg, dhe sipas drejtorit ka pasur shumë raste që janë verifikuar si në fushën e ndërtimit, por edhe për politikanë.
Deputeti Salianji ka thënë se duhet një hetim, pasi grupi Parlamentar i Partisë Socialiste, vlen më shumë se ekipi i Realit të Madridit.
Por më tej ai deklaroi se në treg është rritur shumë qarkullimi i parasë së pajustifikueshme, duke e ngritur si një shqetësim.
Replikat
Ervin Salianji: Si ka mundësi që grupi parlamentar Socialist vlen më shumë se Reali i Madridit,. Sipas llogaritjeve që kam bërë unë , duke parë pasuritë e deklaruara rezulton se vlejnë më shumë se Reali, i cili përllogaritet se vlen 44 milionë euro.
Ermonela Felaj: Kjo besoj se nuk ishte pyetje, por do të përgjigjem. Shiko njëherë ata që kanë ikur nga grupi juaj se vleni akoma më shumë.
***
Ervin Salianji: Aktiviteti kriminal gjatë viteve të fundit, qe lidhet drejtpërdrejt edhe me paratë e pista apo hedhjen në qarkullim të parave të pista ka qenë në ekspasion dhe në rritje ndërkohë që veprimtaria e drejtorisë tuaj në tre vitet e fundit ka qenë pothuajse e njëjtë edhe në urdhrat e bllokimit edhe në verifikim etj.
Keni nevoje për më shumë mjete për më shumë bashkëpunim apo për më shumë të dhëna për të pasur rezultate më të mira? për më shumë burime financiare, sepse hedhja në qarkullim e parave të pista është një prej problemeve më të mëdha që ka aktualisht Shqipëria. Në raportin që keni sjellë, që sot na u vu në dispozicion nga ato që patëm mundësi të shohim shqetësuese për ne besoj edhe për publikun është që ju thoni që ka nevojë për përmirësim për trajtimin e rasteve të dyshimta për financimin e terrorizmit për mbikëqyrjen e OJF-ve dhe risqet qe paraqesin për radikalizmin dhe ekstremizmin fetar, e keni shkruar në pastrimin e parave dhe me të drejtë që e keni vendosur një nga pikat më të rëndësishme. Gjithsej janë pesë raste të verifikuara sipas tabelës bashkangjitur që keni sjellë në raport.
A ka risqe reale për financimin e terrorizmit duke qenë se gjithë aktiviteti kriminal paratë e drogës dhe infrastruktura e krijuar për drogën mund të shërbejë fare mirë për aktivitete të terrorizmit.
Dua t’iu pyes nga të dhënat e bëra publike nga mediat por edhe nga ekspertë ka pasur një lëvizje të madhe paraje gjatë fushatës elektorale 15 dite para apo gjatë fushatës elektorale mbi 300 milionë euro nga bankat. Ka pasur ndonjë verifikim nga ana e drejtorisë tuaj për këtë lëvizje?
Së dyti fitimet nga droga dhe nga kanabisi sipas të dhënave të publikuara nga BE apo edhe nga Shoqata joqeveritare arrin ne Shqipëri mbi 5 miliardë euro dhe kjo mund të jetë një nga arsyet që përfshirë edhe paratë e dala nga aktivitetet kriminale por dhe nga bankat dhe përdorimi I parasë për të blerë vota ka sjellë uljen e euros në nivelet të pa ndodhura në një periudhë shumë të shkurtër sot. Euro në këmbim me lekun është në nivelin më të ulet të viteve të fundit, ka shkuar diku te 129. Është shqetësuese për ju? Ka pasur hetim verifikim apo kontroll në lidhje me ku ka shkuar ku ka qenë desinacioni I këtyre parave që kanë dalë nga bankat apo pse ka pasur një lëvizje kaq të madhe, një luhatje të euros?
Dua t’iu pyes gjithashtu nëse në të gjithë verifikimet që keni bërë ka pasur rast të 4 mijë personave të verifikuar , a ka pasur politikanë të verifikuar për pastrim parash? Nëse është sekret mund edhe ta ndajmë më vonë por është rëndësishme të dimë nëse në rastet e kontrolluara prej jush ka pasur politikanë të cilët mund të jenë përfshirë në këtë veprimtari kriminale?
Një shqetësim tjetër që është I madh për opozitën por dhe për publikun është që ndërkohë që nuk ka kreditim nga banka dhe nuk ka arritje te kreditimit ka një bum të madh ndërtimesh në Tiranë të kullave dhe të ndërtesave të cilat po jepen në qendër të Tiranës dhe e ritheksoj se pavarësisht se nuk ka kreditim ka ndërtime pafundësisht a mundet të na thoni nëse keni pasur ndonjë hetim apo verifikim se kush I ndërton , si ndërtohen nga vijnë paratë, a janë krijuar me burime të ligjshme ? akoma më shqetësuese është një akuzë në publik për një prej bankave të nivelit të dytë anëtarët e bordit në konflikt interesi ose jo tjetër gjë është bashkëshortja e kryeministrit ka akuza publike që banka ABI bank është e përfshirë në aktivitet kriminal për pastrimin e parave të pista. Ka pasur ndonjë hetim nga ana e drejtorisë tuaj me këtë?
Arlind Gjokutaj: Nuk na ka rezultuar rritje e pajustifikueshme e parasë në qarkullim. Kemi pasur edhe 13 raste politikanesh te nivelit te ulet.
