Moderatorja Ilda Bejleri duket e vendosur për ta vazhduar në rrugë ligjore sherrin me fjale qe ka nisur mes saj dhe gazetarit Mustafa Nano. Vendimin e saj e ka treguar me një postim të fundit në Instastory
“Me policin e penduar shihemi në gjyq, sepse askush nuk ak të drejtë t’i flasë askujt me atë gjuhë, për më tepër në një tv. Të gjithë ju që sqetësoheni për veshjet, a e keni pyetur veten çfarë mënyre të foluri po u mësoni fëmijëve tuaj?? Për fat të mirë nuk jemi në ‘Albanistan’, por në një kryeqytet europian dhe në një vend të bekuar që quhet Shqipëri”,ka shkruar Bejleri në postimin e saj.
Bejleri e kishte sulmuar edhe pak dite me pare Nanon. “Mendoj që “policin” e minifundit dhe dekoltese ta dërgojme dhe në Itali, imagjino të kishte gjoks vetë ky polici”, shkruhej në postimin e Instagramit, postim ky i shoqëruar me një video të Ilaria D’amico-s, ose gruaja e Gigi Buffon e cila shfaqet duke prezantuar emisionin me veshje të përafërta për stilin të cilin gazetari Nano e ka quajtur vulgar.
