Tensioni dhe dhuna nuk ka munguar sot në parlamentin maqedonas kur u miratua ligji i gjuhëve për Maqedoninë i cili mundëson përdorimin zyrtar të shqipes në të gjithë vendin.
Përgjatë procesit të votimit, ish-Kryeministri Gruevski ka tentuar të bllokojë votimin dhe ka sulmuar edhe fizikisht kreun e Parlamentit, Talat Xhaferri.
Gruevski, sic duket edhe nga pamjet sulmon me gotë uji Xhaferri dhe më pas tenton të prishë kompjuterin e votimit.
Parlamenti i Maqedonisë e kishte miratuar këtë ligj që në muajin janar me 69 vota, por ai nuk u dekretua nga presidenti Ivanov dhe kjo bëri që ligji të dërgohet sërish në Parlament.
Miratimi i ligjit për përdorimin e gjuhëve, shihet si një përmbyllje e Marrëveshjes së Ohrit që u arrit në vitin 2001 duke i dhënë fund konfliktit të armatosur mes forcave qeveritare dhe kryengritësve shqiptarë që kërkonin më shumë të drejta në Maqedoni.
Mbi bazë të ligjit të gjitha organet e pushtetit qendror, institucionet qendrore, ndërmarrjet publike, agjencitë, drejtoritë, institucionet dhe organizatat, komisionet e personat juridikë qe ushtrojnë autorizime publike, krahas gjuhës maqedonase do të përdorin edhe gjuhen e përdorur nga 20% e qytetarëve, shqipen.
