Sipas njoftimeve të mediave italiane, një tjetër operacion i suksesshëm i policisë vendase ka çuar në sekuestrimin e një sasie të madhe marijuane dhe në vënien nën pranga të një shqiptari.
Mësohet se policia italiane e qytetit të Riminit ka arrestuar një 52-vjeçar shqiptar me akuzën e trafikut të drogës. Në makinën e tij u sekuestruan 65 kg marijuanë e konfeksionuar në 49 pako.
Vlera e drogës do të sillte një përfitim prej 700 mijë euro.
