Studentët e disa universiteteve të Tiranës janë angazhuar ditët e fundit për plotësimin e një peticioni kundër tarifave të larta të shkollimit drejtuar qeverisë, ndërsa më 24 janar do të protestojnë para kryeministrisë.
Thirrja e studentëve
Bashkohu, ndihmo me peticionin e shpërnda lajmin për protestën!
Grupe studentësh janë angazhuar ditët e fundit në fakultete të ndryshme, kryesisht të Universitetit të Tiranës dhe atij Politeknik, për të grumbulluar nënshkrime për peticionin, drejtuar qeverisë, me kërkesat e mëposhtme:
– Të përgjysmohen tarifat studimore në të gjitha degët dhe nivelet e studimeve;
– Të hiqet barra financiare për certifikimin e gjuhës së huaj;
– Të hiqet pagesa dyfish e krediteve për provimet e mbartura;
Ndërsa në Fakultetin Gjeologji Miniera është nënshkruar edhe një peticion i dytë:
– për kthimin e godinës së fakultetit në pronësi të fakultetit.
Deri më tani janë grumbulluar me mijëra nënshkrime për këto kërkesa të drejta e të realizueshme.
Aksioni për nënshkrimin e peticionit do vijojë edhe këtë javë, dhe do të kulmojë me protestën e 24 janarit në orën 11.00, nga Korpusi drejt kryeministrisë.
Bashkohu!
