Deputet i PD-së Gent Strazimiri, ka publikuar në rrjetet sociale një video mbi debatet që janë zhvilluar në Komisionin e Ligjeve, përpara zgjedhjes së Arta Markut në postin e Kryeprokurores së përkohshme. Strazimiri shkruan se një muaj më parë, Ermonela Felaj dhe Blendi Çuçi “betoheshin për idealin e partisë” që Prokurori i Përgjithshëm i përkohshëm nuk do të kishte as kompetencë e as porosi nga partia për të transferuar, komanduar dhe emëruar prokurorët, veçanërisht ata të dosjes “Tahiri”, “Sejdini”, “Sota”, që futën në siklet Partinë!!!
Postimi i Gent Strazimirit në “Facebook”
Fiks një muaj më parë, PARTIA përmes shoqes Ermonela dhe shokut Blendi Çuçi, betohej “Për Ideal Të Partisë” që, Prokurori i Përgjithshëm i Përkohshëm nuk do të kishte as kompetencë e as porosi nga Partia për të transferuar, komanduar dhe emëruar prokurorët, veçanërisht ata të dosjes “Tahiri”, “Sejdini”, “Sota”, që futën në siklet Partinë!!!
Mirëpo, “për ideal të Partisë”, që në sekondën e parë që u lirua “karrigia”, në Prokurorinë e Përgjithshme (të përkohshme) nuk është bërë asnjë punë tjetër përveç largimit të prokurorëve të sipër-paralajmëruar nga opozita, dhe lirimit të secilit prej “peshqve” respektivë nga ajo çikë “rrjetë” që kishte ky shtet…
