nga Ruben Avxhiu
Një libër tronditës nga gazetari Michael Wolff zbulon prapaskenat në rrethin e ngushtë të presidentit amerikan
Një humbje me më pak se 6% diferencë ishte plani i fushatës të Donald Trump, bosit të pronave të patundshme që kishte tundur deri në themele politikën amerikane.
Michael Wolff shkruan se Trump kishte plane të tjera.
“Kjo mund të më ketë bërë njeriun më të famshëm të botës”, i kishte thënë ai ndihmësit të tij, Sam Nuberg.
Ish-presidenti i rrjetit televizv Fox Neës, Roger Ailes planifikonte të niste një Rrjetin Televiziv Trump që do të përmbyste situatën në botën e medias, duke sjellë miliarda fitime. Miliona mbështetës do të lëviznin nga Fox Neës te rrjeti i ri televiziv. Në gjithë botën kishte një lloj manie për të ditur më shumë për këtë kandidat njëkohësisht skandaloz dhe tërheqës, ofendues po edhe të painjorueshëm.
Ailes kishte slogan të preferuar. “Nëse do një karrierë në televizion, kandido për president!” Trump e kishte kryer këtë sprovë si askush tjetër në periudhën moderne amerikane.
Shumica e rrethit të tij, përfshi edhe familjen dhe vetë kandidatin, mezi prisnin të riktheheshin në jetën njujorkeze, pas çakërdisjes së fushatës që e kishte çuar në vende që as i kishte shkuar mendja që të vizitonte ndonjëherë.
Trump e kishte marrë fushatën si mënyrë zbavitjeje. Ndërsa Hillary Clinton përgatitej për detajin më të vogël, Trump besonte tea to që dinte e që kishte thënë gjithmonë. Ai thuhej se kishte refuzuar të përgatitej edhe për debatet televizive duke bërë prova debatesh në zyrat e tij të fushatës.
“Shumica e kandidatëve për presidentë gjatë gjithë karrierave të tyre, në mos gjatë gjithë jetës së tyre që nga adoleshenca, përgatiten për këtë rol”, shkruan Michael Wolff. “I ngjiten shkallës së karrierës, perfeksionojnë një fytyrë publike, dhe përgatiten për të fituar dhe për të qeverisur. Trump kishte bërë një tjetër llogari, mjaft të ndërgjegjshme në dallimin e saj. Kandidati dhe ndihmësit e tij kryesorë besonin se mund të siguronin të gjitha përfitimet që vinin nga qenja kaq afër zgjedhjes si president, pa qenë nevoja që të ndryshonin sjelljen e tyre në publik apo pikëpamjet e tyre. Në fakt, pothuajse që të gjithë ata që u përfshinë në kampin Trump kishin konflikte interesash që do t’i prishnin punë atij kur të bëhej president. Michael Flynn, gjenerali në pension që e prezantonte në mitingjet e tij zgjedhore, i kishte dëgjuar miqtë e tij që t’i thonin se kishte gabuar që kishte marrë 45,000 dollarë nga rusët për një fjalim. ‘Eh, ishte shpjegimi i tij, ‘se mos do të fitojmë vërtet që të bëhet problem.’
Jo vetëm që Trump nuk mërzitej nga konfliktet e mundshme të marrëveshjeve të biznesit të tij dhe pronave të patundshme, por me guxim refuzonte të bënte publike dokumentete e taksave të tij. E pse ta bënte? Ja, do të humnte në zgjedhje por do të bëhej njëkohësisht i famshëm dhe do të mund të bhiqej si një viktimë e Hillary të Korruptuarës. Vajza e tij Ivanka dhe dhëndrri Jared do të ishin bërë yje ndërkombëtarë. Steve Bannon do të ishte kryetari faktik i Lëvizjes së Çajit. Kellyanne Conway do të bëhej yll televizioni. Melania Trump, të cilës i shoqi i kishte premtuar se nuk do të bëhej president, do të mund të kthehej në jetën e saj private, ku mund të hante drekë në publik pa e ndjekur njeri. Humbja ishte në favor të të gjithëve. Humbja ishte fitorja.
Por vetëm pak pas orës 8 të mbëmjes në Natën e Zgjedhjve, kur prirja po tregonte se Trump mund të në fakt të fitonte, Don Jr i tregoi një shoku se fytyra e babait kishte ngrirë si ajo e një fantazme. Melania ishte gjithë lot — dhe jo nga gëzimi”. (Përkthimi Ruben Avxhiu)
Transformimin e Donald Trump gjatë asaj ore rezultatesh tronditëse nga kutitë e votimit, e ka përshkruar më së miri Steve Bannon, sipas Michael Wolff. Bannon, arkitekti i javëve të fundit të fuahstës dhe një nga njerëzit më të urryer në të gjithë spektrin e politikës amerikane ka thënë se gjatë asaj ore: Trump i Habitur u kthey në Trumpin Mosbesues, pastaj në Trumpin e Tmerruar. Ai kishte fituar. Pork y nuk ishte shndërrimi i fundit i asaj nate. Në fund të orës, thotë Bannon, ai ishte Donald Trump, njeriu që besonte se e kishte merituar të zgjidhej dhe se ishte tërësisht i zoti që të bëhej President i Shteteve të Bashkuara të Amerikës.
Pavarësisht se Trump iu fut pastaj punës për të marrë në dorë frenat në Shtëpinë e Bardhë me besimin në vetevete që e karakterizon, Michael Wolff thotë se ishte pikërisht kjo bindje e qetësi se nuk do të fitonte në zgjedhje, kjo dëshirë për t’iu rikthyer jetës së mëparshme, një arsye më shumë se pse tranzicioni mes presidencës së tij dhe asaj të Presidentit Barack Obama ishte aq kaotik. E tillë mbetet administrata edhe sot e kësaj dite.
Wolff, libri i të cilit “Fire and Fury: Inside the Trump White House” botohet sot, në SHBA, e përshkruan fushatën si një inskenim në realitet të operetës së fashme broduejane “The Producers” (Producentët) të Mel Brooks, në të cilën producentët e një shfaqjeje në fakt komplotojnë kundër vetes duke shpresuar të përfitojnë nga dështimi.
Qysh një ditë përpara daljes në dritë, libri “Zjarri dhe Inati: Brenda Shtëpisë së Bardhë të Trump” ishte bërë më i shituri në Amerikë. Kurioziteti është i madh. Donald Trump është ankuar se libri është plo me të pavërteta, ndërsa kritikët e tij janë duke debatuar ashpër nëse libri e dëmton apo e shfaqjëson vërtet presidentin e pazakonshëm të Amerikës. Marre nga gazeta Illyria
